ಪಂಚಾಕ್ಷರ ಗವಾಯಿಗಳ 80ನೇ ಸ್ವರ ಸಮಾರಾಧನೆ

ಕೊಪ್ಪಳ,: ಗಾನಯೋಗಿ, ಶಿವಯೋಗಿ ಲಿಂ.ಪಂ.ಪಂಚಾಕ್ಷರ ಗವಾಯಿಗಳವರ 80ನೇ ಪುಣ್ಯಸ್ಮರಣೆ ಹಾಗೂ ಪದ್ಮಭೂಷಣ ಲಿಂ.ಡಾ||ಪಂ.ಪುಟ್ಟರಾಜ ಗವಾಯಿಗಳವರ 14ನೇ ಪುಣ್ಯ ಸ್ಮರಣೋತ್ಸವವನ್ನು ಗದಗನ ವೀರೇಶ್ವರ ಪುಣ್ಯಾಶ್ರಮದಲ್ಲಿ ದಿ.22 ರಿಂದ 26ವರೆಗೆ ಹಮ್ಮಿಕೊಳ್ಳಲಾಗಿದ್ದು, ಇದೇ ಸಂದರ್ಭದಲ್ಲಿ ಮಹಾರಥೋತ್ಸವವನ್ನು ಹಮ್ಮಿಕೊಳ್ಳಲಾಗಿದೆ. ಇದರ ಪ್ರಯುಕ್ತ 5 ದಿನಗಳವರೆಗೆ ವಿವಿಧ ಧಾಮಿಕ ಮತ್ತು ಕೀರ್ತನ ಸಮ್ಮೇಳನವನ್ನು ಹಮ್ಮಿಕೊಳ್ಳಲಾಗಿದೆ.

ಕಾರ್ಯಕ್ರಮಗಳ ದಿವ್ಯ ಸಾನಿಧ್ಯವನ್ನು ಮಠದ ಉತ್ತರಾಧಿಕಾರಿಗಳಾದ ಡಾ||ಕಲ್ಲಯ್ಯಜ್ಜನವರು ವಹಿಸುವರು. ದಿನಾಂಕ 24 ರಂದು ನಡೆಯುವ ಸ್ವರ ಸಮಾರಾಧನಾ ಸಂಗೀತ ಕಾರ್ಯಕ್ರಮದ ನಿರೂಪಣೆಯನ್ನು ಕೊಪ್ಪಳದ ಪುರಾಣ ಪ್ರವಚನಕಾರರು ಹಾಗೂ ಸಂಗೀತ ಶಿಕ್ಷಕರಾದ ಮಹಾಂತಯ್ಯಶಾಸ್ತ್ರಿಗಳು ಹಿರೇಮಠ, ಹಿರೇಬಗನಾಳ ನೆರವೇರಿಸುವರು. ಅಂದು ರಾತ್ರಿ 10 ಗಂಟೆಯಿಂದ ಬೆಳಿಗ್ಗೆ 6 ಗಂಟೆಯವರೆಗೆ ನಡೆಯುವ ಕಾರ್ಯಕ್ರಮ ನಿರೂಪಣಿಯನ್ನು ನಿರ್ವಹಿಸುವರು. ಹರ-ಚರ ಗುರುಗಳ ದಿವ್ಯ ಸಾನಿಧ್ಯದಲ್ಲಿ ಕೊಪ್ಪಳದ ಪುರಾಣ ಪ್ರಚನಕಾರರಾದ ಮಹಾಂತಯ್ಯಶಾಸ್ತ್ರಿಗಳು ನಿರ್ವಹಣೆಗೆ ಅವಕಾಶ ದೊರಕಿರುವುದು ಜಿಲ್ಲೆಗೆ ಹೆಮ್ಮೆಯ ವಿಷಯವಾಗಿದೆ ಎಂದು ಸ್ಥಳೀಯ ಕಲಾವಿದರು ಹರ್ಷವನ್ನು ವ್ಯಕ್ತಪಡಿಸಿದ್ದಾರೆ.