ವಿಕಲಚೇತನ ಶಾಲೆಯ ಮಕ್ಕಳೊಂದಿಗೆ ಜನ್ಮದಿನಾಚರಣೆ

ಜಿಪಂ ಮಾಜಿ ಅಧ್ಯಕ್ಷೆ ಸುಜಾತಾ ದೊಡ್ಡಮನಿ ಜನ್ಮದಿನಾಚರಣೆ

ಗದಗ,: ಕಾಂಗ್ರೆಸ್ ಪಕ್ಷದ ಮಹಿಳಾ ಪ್ರಧಾನ ಕಾರ್ಯದರ್ಶಿ ಜಿಪಂ ಮಾಜಿ ಅಧ್ಯಕ್ಷೆ ಸುಜಾತಾ ದೊಡ್ಡಮನಿ ಅವರು ಪಟ್ಟಣದ ಬಿ.ಡಿ. ತಟ್ಟಿ ವಿಕಲಚೇತನ ಶಾಲೆಯ ಮಕ್ಕಳೊಂದಿಗೆ ತಮ್ಮ ಜನ್ಮ ದಿನಾಚರಣೆಯನ್ನು ಅರ್ಥಪೂರ್ಣವಾಗಿ ಆಚರಿಸಿಕೊಂಡರು.

ಈ ವೇಳೆ ಮಕ್ಕಳಿಗೆ ನೋಟಬುಕ್, ಪೆನ್, ಸಿಹಿ ಹಂಚಿ ಮಾತನಾಡಿದ ಅವರು, ವಿಶೇಷ ಚೇತನ ಮಕ್ಕಳು ದೇವರ ಸಮಾನರಾಗಿದ್ದು, ಆ ಮಕ್ಕಳ ಹಾರೈಕೆಯಿದ ಬದುಕು ಸುಂದರವಾಗುತ್ತದೆ. ಇತ್ತೀಚಿನ ದಿನಗಳಲ್ಲಿ ಜನ್ಮ ದಿನಾಚರಣೆಗಳು ದಾರಿ ತಪ್ಪುತ್ತಿದ್ದು, ಸಂಪ್ರದಾಯ, ಸಂಸ್ಕೃತಿ ಮರೆತು ಪಾಶ್ಚಾತ್ಯ ಸಂಸ್ಕೃತಿ ಸಂಪ್ರದಾಯ ವೈಭವೀಕರಿಸಲಾಗುತ್ತಿದೆ. ಇದು ಉತ್ತಮ ಬೆಳವಣಿಗೆಯಲ್ಲ ನಾವು ಮಾಡುವ ಯಾವುದೇ ಕೆಲಸದಿಂದ ಇನ್ನೊಬ್ಬರಿಗೆ ಸಹಾಯ-ಸಂತಸ ನೀಡಬೇಕು. ಆಗ ಮಾತ್ರ ಆಚರಣೆಗೊಂದು ಅರ್ಥ ಬರುತ್ತದೆ ಎಂದರು.
ಈ ಸಂದರ್ಭದಲ್ಲಿ ಮೋಹನ ನಂದೆಣ್ಣವರ, ಸದಾನಂದ ನಂದೆಣ್ಣವರ, ಸಂತೋಷ ನಂದೆಣ್ಣವರ, ಮಹಾಂತೇಶ ಗುಡಸಲಮನಿ, ಪೃಥ್ವಿ ನಂದೆಣ್ಣವರ, ರಾಮು ಅಡಗಿಮನಿ, ಸಂತೋಷ ಹಾದಿಮನಿ, ನಿಂಗಪ್ಪ ಬಾಲಣ್ಣವರ, ಶಿವು ಅಯ್ಯಣ್ಣವರ, ವಸೀಂ ಮುಚ್ಚಾಲೆ, ಹನಮಂತ ಗುಡಿಸಲಮನಿ ಸೇರಿ ಹಲವರಿದ್ದರು.