ಕೆ.ಎಚ್.ಬಿ. ಬಡಾವಣೆಯ ಶ್ರೀ ಗಜಾನನೋತ್ಸವ

ಗದಗ,: ನವನಗರ ಕ್ಷೇಮಾಭಿವೃದ್ಧಿ ಸಂಘ ಕೆ.ಎಚ್.ಬಿ. ಬಡಾವಣೆಯ ಆಶ್ರಯದಲ್ಲಿ ಶ್ರೀ ಗಜಾನನೋತ್ಸವ ಸಮಿತಿ ರಾಜೀವಗಾಂಧಿ ನಗರ ವಾರ್ಡ ನಂ. 29 ರಲ್ಲಿ ಪ್ರತಿಷ್ಠಾಪನೆಗೊಂಡಿರುವ ಶ್ರೀ ಗಣೇಶನಿಗೆ ನಾಲ್ಕನೇ ದಿನದ ಪೂಜೆಯನ್ನು ಶ್ರೀಮತಿ ತಾರಾಬಾಯಿ ಶಿವಕುಮಾರ ನಾಯಕ ಹಾಗೂ ಕುಟುಂಬದವರಿಂದ ಪೂಜಾ ಕಾರ್ಯಕ್ರಮವನ್ನು ಅರ್ಚಕರಾದ ವಿನಾಯಕ ದೀಕ್ಷಿತ ಇವರು ಅತ್ಯಂತ ವಿಜೃಂಭಣೆಯಿಂದ ನೆರವೇರಿಸಿದರು.

ಸಂಜೆ ಲಲಿತಾ ಸಹಸ್ರನಾಮಾವಳಿ ಪಠಣವನ್ನು ಬಡಾವಣೆಯ ಮಹಿಳೆಯರು ನೆರವೇರಿಸಿದರು ಹಾಗೂ ಸುಮಂಗಲೆಯರಿಗೆ ಉಡಿ ತುಂಬುವ ಕಾರ್ಯಕ್ರಮ, ಸಂಗೀತ ಕಾರ್ಯಕ್ರಮ ಜರುಗಿದವು.