ರಂಗು-ರಂಗಿನ ಬಣ್ಣದೋಕುಳಿಯಲ್ಲಿ ಮಿಂದೆದ್ದ ಜನ

ಹೋಳಿ ಹಬ್ಬದ ಸಂಭ್ರಮ

ಕೊಪ್ಪಳ,: ಹೋಳಿ ಹಬ್ಬದ ಪ್ರಯುಕ್ತ ರವಿವಾರ ನಗರ ಸೇರಿದಂತೆ ಗ್ರಾಮೀಣ ಭಾಗದಲ್ಲಿ ಸಡಗರ ಸಂಭ್ರಮದಿಂದ
ಬಣ್ಣದಾಟ ನಡೆಯಿತು. ಹಿರಿಯರು, ಕಿರಿಯರು, ಮಕ್ಕಳು, ಮಹಿಳೆಯರು, ಯುವಕ-ಯುವತಿಯರು ಎಲ್ಲರೂ ಪರಸ್ಪರ ಬಣ್ಣ ಹಚ್ಚಿಕೊಂಡು ಸಂಭ್ರಮಿಸಿದರು. ಬೆಳಗ್ಗೆಯಿಂದಲೇ ಬಣ್ಣದೋಕುಳಿ ಶುರುವಾಯಿತು. ನಗರದ ವಿವಿಧ ಬಡಾವಣೆಗಳಲ್ಲಿ ಪುರುಷರು ಗುಂಪುಗುಂಪಾಗಿ ಹಾಗೂ ಮನೆಗಳಿಗೆ ತೆರಳಿ ಬಣ್ಣ ಎರಚಿದರೆ, ಮಹಿಳೆಯರು, ಚಿಕ್ಕ-ಚಿಕ್ಕ ಮಕ್ಕಳು ಮನೆ ಹಾಗೂ ಗಲ್ಲಿಗಳಲ್ಲಿ ಗುಂಪಾಗಿ ಬಣ್ಣದಾಟವಾಡಿ ಗಮನ ಸೆಳೆದರು. ಯುವತಿಯರು, ಚಿಕ್ಕ-ಚಿಕ್ಕ ಮಕ್ಕಳು ಕೂಡ ಹೋಳಿಯಾಟವಾಡಿದರು.
ಕೊಪ್ಪಳ ತಾಲೂಕಿನ ಗಿಣಿಗೇರಾ ಗ್ರಾಮದಲ್ಲಿ ಜಾತಿ, ಧರ್ಮದ ಹಂಗಿಲ್ಲದೆ ಮಕ್ಕಳಿಂದ ದೊಡ್ಡವರು ತನಕ ಎಲ್ಲರೂ ಸೇರಿ ವಿವಿಧ ರೀತಿಯಲ್ಲಿ ಹೋಳಿ ಆಚರಿಸಿ ಹೋಳಿ ಹಬ್ಬವನ್ನು ಸಂಭ್ರಮದಿಂದ ವಿಶೇಷವಾಗಿ ಹಬ್ಬವನ್ನು ರಂಗುರಂಗಿನ ಬಣ್ಣ ಎರಚುವುದ ರೊಂದಿಗೆ ಸ್ನೇಹಿತರು,ಬಂಧು-ಬಳಗದವರು,ನೆರೆಹೊರೆಯವರೊಂದಿಗೆ ಪ್ರೀತಿಯಿಂದ ಹಬ್ಬವನ್ನು ಆಚರಿಸಲಾಯಿತು.

ಈ ವೇಳೆ ಶಿಲ್ಪ ರಂಗಾರಿ, ಹೆಚ್.ರೂಪಾ ಹಲಿಗೇರಿ, ಪದ್ಮಾ ಬಡಿಗೇರ, ರೇಣುಕಾ, ಐಶ್ವರ್ಯ, ಸಂಜನಾ, ಸಾವಿತ್ರಿ, ರಾಹುಲ್, ನಾಗರಾಜ ಹಲಿಗೇರಿ, ಕೊಟ್ರಯ್ಯ ಮೈನಳಿ, ಐಶ್ ಗೌಳಿ ಇನ್ನಿತರೆ ಚಿನ್ನರ ಚಿಲಿಪಿಲಿಗಳು ಕುಣಿದು ಕುಪ್ಪಳಿಸಿ ಸಂಭ್ರಮಿಸಿದರು.